اول محاولة - فشل

ممكن يكون ده اسوأ شهر فبراير عدى عليا من يوم ما وعيت عالدنيا

الناس بتقول فئراير بس حرام مينفعش نشتم الزمن 

بس انا راجعالك مدونتي العزيزة سنة ٢٠٢٥... انتي متخيلة اني بقى عندي ٣١ سنة... احنا كنا لسة بنحتفل بعيد ميلادي العشرين من كام يوم و لما تميت ٢٥ حسيت اني نجمة القرن.

انهاردة انا خايفة... خوف بيزيد لدرجة المرض... انا خايفة من كل حاجة... 

اه بالمناسبة السنة دي هبدأ ٣ سنة غربة. 

نرجع لموضوع الخوف... خايفة من الوحدة... بالمناسبة برده السنة دي عملت اول محاولة حقن مجهري.. فقدت ٣ اجنة و باقي ليا ٤ على محاولتين فقط...

نرجع تاني للخوف... خايفة من الوحدة... خايفة افقد ناس عزيزة عليا و المشكلة اننا كل ما بنكبر بندرك اكتر اننا هنفقدهم و ان الباقي اقل من اللي راح... 

الموضوع رعب و الله... 

الدنيا واخداني اوي... خايفة اندم... انا اصلا مقضياها ندم... ادوية التوتر و الاكتئاب مش بتجيب نتيجة على فكرة... الموضوع طلع اعمق من كدة... 

دانا جايبة عربية بقالي سنتين و خايفة اسوق لحد ما هتصدي... 

بخاف اتكلم مع زوجي لدرجة اننا بقينا زي الغرب كل واحد له حياة منفصلة 

بخاف.... 

و للحديث بقية. 

بسم الله...ثاني سنة غربة

 ببدأ تاني سنة فالغربة بعيدة عن اهلي و بعيدة حتى عن زوجي الفترة الحالية...

الجلوس لوحدك لفترة طويلة قادر انه يخلي عقلك يفكر في كل الاحتمالات لكل حاجة فالحياة 

المشكلة الكبيرة لما تبدأ تدخل في مرحلة من الجهل النفسي... يعني مش فاهم نفسك او انت عايز اية. 

اكتر حاجة خدتها من الغربة اني عدت ترتيب اولويات كل حاجة في حياتي 

لكن لسة في حتة في قلبي مليانة خوف من كل حاجة 

بقعد افكر اني هموت وحيدة و مليش حد و اني بفوت كل حاجة مهمة مع عائلتي هم واحشوني اوي على فكرة 

المكالمات و مكالمات الفيديو مبقتش تملى الفراغ و لا حتى بنسبة بسيطة. 

بالعكس بقيت اتجنبها لانها بتتعبني نفسيا اكتر. 

اعتقد بعد الغربة محدش بيرجع تاني شخص طبيعي احنا بنزود جوانا الحفرة السودة اللي بنقع فيها بسرعة و انا مش عارفة اخرج منها و معنديش قدرة حتى اني احاول 

نفسي ابطل اخاف من كل حاجة... 

إرث أبي

 اليوم علمت ما ورثت من أبي...

الأرث الباقي الآن هو أرث نفسي و معنوي 

في أفكاري... اخاف من الكبر و العجز و المرض  تمامًا مثلما اعتاد هو. 

أعطي العمل وقت و صحة تهلكني نفسيًا و جسديًا و تحيد بيني و بين أهلي.... مثلما أعتاد هو. 

أحمل نفسي فوق طاقتها في كل شيء و أنهار داخليًا فأصيح و أصرخ و أجعل صراخي غطاء ضعفي... مثلما أعتاد هو. 

اليوم اراجع صوري من ٥ سنين مرت مثلما أعتاد ابي و ابكي كيف تحول حالي لهذا... كيف انهارت ضحكاتي و ضجرت الحياة و زهدتها و انا فالثلاثين. 

عذرًا أبي ، لم أفهمك و لكنك تركت لي ما يجعلني غير مفهومة مثلك. 

عودٌ احمدٌ

 مذكرتي العزيزة...

لا اتذكر فابحقيقة كم مر من الوقت منذ اخر حديث بيننا 

و لكني اليوم قد تذكرتك و انا على عادتي القديمة... اتذكرك حين تشق الوحدة قلبي فأعود إليكي كطفلة تائهة 

اليوم أنا مغتربة حقًا... مررت بأحداث كثيرة قد احتاج لشهور لأسردها لكي و لكنني عدت!

تغربت عن أهلي و أخترت طريق أهلكني و أهلك من حولي... 

اليوم أنا شاردة لا أعلم كيف يبدأ يومي و كيف ينتهي.... غير قادرة على الوقوف على قدمي... خانني جسدي و خانني زماني و اليوم أنا انظر من اعلى المنحدر على كل ما مر و أنا على وشك الانزلاق منه إلى اللامعلوم!! 

Layan's growing phases

 Today, I called my mom .. our daily video call.

She is currently staying at Eman's home for weekend

Layan told her taht she wants to talk yo me. She had lost an extra tooth ! 

I miss them like a hell ! Layan's growing phases are not witnessed by me anymore ....

I felt so depressed and decided to go to Mekkah AlHaram to Make Umrah and ask Allah yo gather me with them here soon.

  I prayed too much to Allah to facilitate this time and to give me kids that will enlighten my world

اللهم لا تحرمني من زينة البنون 

اللهم ردني لك رد جميل

اللهم لا تذرني فردا وانت خير الوارثين

يارب اجمعني بمحمد على خير 

تعاسة

 انا انسانة تعيسة للغاية

مدونتي العزيزة اعود اليك بكامل الحزن بعد سنتين من القرارات التي قادتني لهذا الوضع التعيس

لقد ارتبطت … تم خطبتي و تزوجت من الرجل الوحيد الطي حصل على مشاعل قلبي …

انا الآن امرأة متزوجة … ظننت انني سأجد الونس و السعادة يوجودي بجاني زوجي … 

انا وحيدة و هو معي … لا نتحدث سويًا الا نادرًا … لا يكتمل نقاش بيننا بدون شجار… لا يحتويني او يحتوي مشاعري …

نحاول كلانا كثيرًا تخطي هذا و لكن يؤول بنا الامر لمزيد من التعاسة !

انا هنا ليه ؟!

 مش عارفة انا هنا ليه ؟!

هنا ده اللي هو البيت و الشغل و الاكاديمية و الماجيستير و دروس العود و دروس الرسم و البلوجر نفسها 

انا ايه اهدافي لبكرة :

عايزة اكون اشطر مديرة عيادات في مصر 

عايزة اخد ترقية 

عايزةاجيب عربيتي

عايزة الاقي حد احبه و يكون بيفهم دماغي 

عايزة امي تعيش بصحتها 

عايزة اخلص الدكتوراة 

عايزة اعمل معرض لرسوماتي

عايزة اتقن العود 

... يكمل ...