ألسنا أحقاً بقلبٍ سعيد ؟؟!

في الآونة الأخيرة بات يدور بعقلي سؤالٌ لم اجد له اجابة حتى الآن ... ما هي السعادة ؟!
بعيد عن الآراء الفلسفية العميقة و الردود الشخصية ... السعادة شعور مؤقت نتيجة لموقف ما ام حالة من النشوة نستفيق منها على الواقع البائس ؟!
لماذا باتت الكلمة محصور معناها في شخص ما او مكان ما ... او ارتبطت بمفاهيم آخرى اقل عمقاً او بعيدة بعض الشئ عنها ... النجاح سعادة ... الضحك سعادة ... الخ !
لماذا باتت السعادة كائن غريب يطرق ابوابنا متى شاء هو مع أن الأمر بايدينا فنحن احق بقلوب سعيدة 😄😄😄

قلب ايمان

ايمان اختي ...  مش عارفة اوصفها في كلمات لكن اقرب ما يكون للريح الجامدة جدا اللي بتوقع ورق الشجر عشان يجي بعده الربيع يفتح بالورد !!
ايمان اكتر حد ممكن يساعدك تعمل تغيير لاي حاجة وحشة في حياتك و تحفزك ان كل اللي جاي هيكون احسن بكتيير من اللي فات :)
حد كده من بره تحسه بيتخانق مع ذباب وشه لكن من جوه عنده  قلب ابيض مش اتوسخ من عفن الواقع اللي عايشينه !
اسرع حد ممكن يتأثر لو عرفت ان حد تعبان او شخص ما حتى لو مش تعرف مين هوه اتوفى !
ايمان بتفهم الناس بسرعة و الأحسن من كده ان عندها سرعة بديهة تفهم قصد اي حد و ترد عليه رد ساحق ؛)
انا بثق في اراء ايمان حتى لو بنختلف في بعض المواقف لكن حلو انك تحس ان فيه حد في ضهرك و ان مش كان لازم يكون ليا اخ ولد عشان احس بالأمان :) احنا ثلاث بنات بمية راجل الحمدلله :)

٦ ايام

فاضل ٦ ايام بس و اخلص امتحانات و اروق بقى لحد امتحانات الترم الجاي ان شاء الله :D
اصلا الامتحانات امر وقتي و بيعدي حاسة ان الفترة الجاية ان شاء الله ربنا هيحققلي فيها دعوات كل الليام اللي فاتت ! متفاءلة بشكل غريب يا جدعان خايفة بس من ال over expectations
دي تخليني فالاخر انزل اقع على ارض الواقع اللي هيكون مش اللي في دماغي خالص !!
بس النقطة هنا ان الايام الجاية احسن ان شاء الله حتي لو احنا مش مدركين ده بعقولنا الصغيرة اللي مش مستوعبة حكمة ربنا في كل حاجة بتحصل معانا :)

اه يا اسمراني

Listen to آه يا اسمرانى اللون - شادية by Hania1 #np on #SoundCloud http://soundcloud.com/hania1/w7qdzhln3xci

النشرة الجوية من تحت البطانية

سيداتي انساتي سادتي ;
نوجه علم سيادتكم ان الايام القادمة ستشمل موجة برد شديدة نتيجة للخلاف الواقع بين المدعوة مصر و صاحبة السيادة الشمس … و ذلك بعد ان رفعت الاخيرة علي مصر دعوي امتهان علني امام جموع العالم و قررت الابتعاد عن اراضيها لما واجهته من مشاكل نفسية من سو معاملة المصريين لها و عدم تقديرهم لها فقد باء دورها مقتصراً علي " تنشيف غسيل ام احمد " و " افاقة ديك عم عبدالله " بينما تعتمد بلاد اخري علي ما تمدهم به من القليل من ضوئها الذهبي في انارة منازلهم بطاقتها ! قدروها فاحبتهم و شملتهم بدفئها و عاقبتنا بالبعد عنا لنشعر بقيمتها !
صالحوا الشمس مش تزعلوها خليها ترجع تاني …
مراسلتكم المتدفية النايمة تحت البطانية !!!!!

شوربة عدس !!

الجو برد … السرير البطاطين كتير … الشبابيك بتخبط … الدور التاسع سيئ … الهواء بيبعت رسايل انا سامعه صوته مستعجل … يمكن ده مش صوت الشبابيك بتخبط فبعض ده اكيد صوت الهوا بيخبط عليا عشان يوصللي الرسالة ! لكن من مين !!!!! 
المدونة بتدفيني … هأخد بريك من المذاكرة … الفارما مرهقة عقلي مجهد و انا لسه في اول محاضرة ! اللهم علمنا ما ينفعنا و انفعنا بما علمتنا .
المدونة وصلت ل 40 مشاهدة في يوم واحد … و اجمالي اكتر من الف مشاهدة ! الرقم يبسط.…الناس الحلوة <3
الشارع فيه ناس …الساعة داخلة علي اربعة الفجر ! هوناً علي من لا دار لهم !
عايزة اتعرف علي ناس جديدة … اعمل حاجة جديدة … ممكن اتعلم موسيقي في قيثارة و هناك يكن يكون مكان مناسب اتعرف فيه علي ناس من عقليات مختلفة … اصحابي مش اصحاب مجرد زملاء مش عايزة اضيع اجمل سنين عمري و انا حابسة نفسي في دايرتهم ! المدونة حلوة … الناس هنا زي هي نفسها صديقتي الصدوقة !
بيتهيألي كده تمام كله في الخلاط و يكون عندي شوربة عدس اتدفي بيها :D :D

امبارح كان عمري عشرين

مدونتي العزيزة ; النهاردة عيد ميلادي
يوم ميلادي يوم مش عادي يوم ما ماما ندهت علي دادي قالتله انا بولد يا عبدالهادي :D :D
النهاردة يكون بقالي 21 سنة علي الارض المكورة دي
حالياً انا مقضية اولي ساعات هذا اليوم الجليل في مذاكرة الصيدلة الصناعية مع اكل القليل من النوجة بالسوداني و السمسمية توافقاً مع المولد برده مش هنسي يعني
اول مل يصحوا الصبح مش عارفة ممكن يعملولي ايه بس من غير استهبال انا عارفة ان ماما و بابا هيغيرولي الموبايل و يجيبولي اللي كان نفسي فيه
اما ايمي و نور لسه مش عارفة ايه اللي هيبسطوني بيه :D
بابا لما دخل عليا يقولي كل سنة و انتي طيبة قالي جملة غريبة غير متوقعة ! انه مش عايزني اكبر و بيزعل كل ماسنة تيجي و اني فجأة دخلت في العقد الثالث من حياتي ! و برده مش عارفه ليه انا مش مضايقة خالص و حاسة اني بقرب من اللي انا عايزاه !
يالا بقي ! مدونتي العزيزة انتي الاقرب دائماً السنة الجاية هتلاقيني هنا بحكيلك اني مش مصدقة ان العمر عدي بسرعة كدة و تميت اثنين و عشرين !

Day after Today

The day after today will be my birthday isAllah
I'll be 21 within less than 20 hours :D
It's an excited no. It's never come again ! :D

I'll be officially mature ! It's a little scary to have such responsibilies and taking your own decisions with no place for mistakes!
Everything will taste different !
This last year taught me about life & people ! There's no a white hearted human in this earth! Everyone have a good & bad side it's all about proportions !
I don't exclude myself but I swear I'm do my best to make this black side as small as alittle bean or maybe smaller!!!
I feel that's why we are here , we have to achieve this goal & let every bad thing behind & make a new start of each day :)
My wish will always be find the right guy to share my dreams with & I hope this year be the right time to meet him in shaa Allah :)