فبراير ٢٠١٦
أخر اجازة متصلة لمدة اسبوعين بمناسبة منتصف العام الدراسي
انتهت الامتحانات من اسبوع تقريباً
مش كتبت اي تدوينة منذ ذلك رغم كمية الافكار اللي كانت عندي و كنت محتاجة اوثقها كتدوينات ، لكني قررت مش هكتب عن حاجة الا لو بدأت فيها فعلاً ... اعتزازاً بمبدأ اقوال و ليس افعال :)
اولاً : حضرت حصتين من كورس تعليم الكروشية و انبسطت جداً اني رحت اتعلم في مكان بسيط ، و معظم الناس فيه بتتعلم بغرض كسب العيش مش مجرد هواية فاصرارهم شجعني ان انمي هوايتي و احس بالناس اللي من الطبقة دي ... قضيت معاهم و مع بساطتهم وقت لن انساه ابداً (تم √)
ثانياً : بدأت كورس اونلاين من جامعة كوبنهاجن عن البكتريا و العدوى المزمنة ... من فترة نفسي اخد كورس اونلاين و مستمتعة به جداً الحمدلله ... فرق كبير بين ان الشخص يتعلم لمجرد النجاح و انه يعدي السنة ، و بين انه يختار اللي عايز يتعلمه :) (تم√)
ثالثاً : قللت عدد ساعات استخدامي اليومي للانترنت اخيراً لساعتين بس
و قللت استخدامي لل _what'sapp_ و بقيت اكلم الناس اللي وحشوني و اسمع صوتهم :) (تم√)
تفتكروا ممكن تكون سنتي الثانية و العشرين على هذا الكوكب هي اول سنة في حياتي احقق فيها قائمة اهدافي السنوية :)
دمتم محققين لاهدافكم ... دمتم سعداء :)
