الحاجات الحلوة ... الالوان اللي بتدي لحياتنا معنى... صورتك انت و اخواتك الصغيرين اللي عدى عليها اكتر من عشرين سنة ... هي موجودة عشان تفكرك انكم عشتوا في يوم من الايام في بيت واحد ... في بطن واحدة ... حضن واحد جمعكم يبقى ازاي اي خلاف في الحياة ممكن يفرق بينكم !!
الهدوم القديمة اللي كنت بتلبسها و انت عندك سنتين او تلاتة ... دي الحاجة اللي هتخليك دايماً فاكر انك اد اية كنت صغير لولا تعب اهلك فيك ... انك في يوم كنت اصغر بكتير من انك تستقوى على ضعيف او غلبان !!
الحاجات دي مش مجرد نوستاليجا بتمتعنا بذكرياتنا ... الحاجات دية بتفكرنا ان كل حاجة هتتغير مع الوقت ... بس الشخص الصادق مع نفسه هو اللي مش ينسى اصله كان اية ☺☺
No comments:
Post a Comment