على صمتنا السلام!

‏من الأشياء المحزنة فكرة ان حد يختار يمشي نهائي
من غير ما يسيب مجال للسلام حتى :")
في ناس في الحياة بيبقى نفسك حتى لو العلاقة هتبعد
أو حتى تنتهي تكون نهايتها أحسن *أو أرقى* من كدا
يبقى في مجال بيننا للكلام من وقت للتاني..
أو للإطمئنان على بعض بدافع أي حاجة كويسة
أو حتى لو مفيش مجال بس نتذكر بعض بالخير ليس أكثر..
‏وديماََ بعد ما ببعد عن حد حتى لو انا اللي اخترت أبعد،
بس بحاول يبقى في ود حتى لو من بعيد *حتى لو بصمت*
بس ديماََ دا ما بيتفهمش للأسف..
الناس بقى عندها كونسبت "الحياة ما بتقفش على حد"
بشكل محزن،  وبسوء أخلاق ولا مبالاه غير إنسانية بالمرة،
وبقى طرفي أي علاقة طرفي حرب، إما إنتصار أو هزيمة..
فبقى المعترض على الحرب مختبئاً في صومعته،
رافضاً ما يحدث خارجها،  بقلبه فقط "وذلك أضعف الإيمان"
‏فسلاماََ لكل من رحلوا وتركوا مكانهم في قلوب غيرهم
مشوهاََ غير صالحاََ لإعادة استخدامه..
وسلاماََ على قلوب أنهكها التعلق وقتلها التفكير،
وسلاماََ على نفوس تعبت من البحث عن المثالية
التي لن تتحقق أبداََ :")
وعلى صمتنا السلام