ابويا واحشني

مش عارفة المرة الكام اللي باجي فيها هنا و اكتب ان ابويا واحشني جدًا
انا واحشني حاجاته و عاداته...
وحشني اصحى الصبح على صوته بيتكلم فالتليفون... وحشني كوباية الشاي على السفرة جنب موبايله اللي بيتشحن
واحشني ترابيزة المكواه المفرودة و عليها قميصه المكوي
واحشني شكل جزمته المتلمعة المحطوطة قدام باب الشقة
واحشني محفظته و مفاتيحه و اقلامه على السفرة
واحشني ريحته... اللي كانت بتملى الريسبشن و الشقة كلها...
واحشني شياكته و هو نازل و مهتم بنفسه...
وحشني صوت خبطته على باب الشقة...
واحشني تليفون منه .... حتى لو كان هيعاتبني عشان أتأخرت شوية فالشغل
ربنا يرحمك يا بابا.. انت كنت أجمل من انك تعيش فالدنيا دي!