السلسلة

من اسبوع او اكتر فابلت بنت جميلة اعرفها من ايام نشاط كنت فيه اسمه نبض
البنت دي مختلفة جدًا و تفكيرها ناضج جدًا و بحب اتكلم معاها عمومًا في أمور الحياة... محادثتنا بتكون على فترات طويلة و لكنها زاخمة بكلام عمري مش بلاقي ناس كتير بتعرف تناقشني فيه
آخر مرة اتكلمنا على فكرة سلسلة المساعدة!
بمعنى... هبة انهاردة كانت في وضع سيئ نسبيًا بعد وفاة والدها حتى و إن لم تبدو ذلك لأحد
شعر شخص ما بده... قرر يساعد أو بمعنى أفضل ربنا أرسله يساعد... شجع هبة تخرج من الحالة دي و نجح في ده فعلًا
انهاردة هبة لقت الشخص في وضع كُربة أو شعرت بده... لكنه بنى حواجز بشكل ما خلاها مش قادرة تساعده هو بشكل شخصي... ايةة العمل... هبة قلقانة على الشخص ده و مش قادرة تنسى انها كان عندها نفس المشكلة و هو شجعها تخرج من الوضع ده بسلاسة رهييبة!
هبة قررت تكمل سلسلة المساعدة لكن بنية مختلفة... يارب انا انهاردة لقيت بنت مش اعرفها و مش شفتها غير مرتين تلاتة في حياتي و عادة عمري ما بكلم حد مش اعرفه بس هدخل و اكلمها و اشجعها تخرج من الحالة اللي هي فيها بنية أني اكمل السلسة اللي بدأها الشخص ده و أكمله ثواب اللي بدأه
يارب انا بعمل ده عشانك في المقام الأول عشان اكون وسيلة كويسة في الأرض تفك كرب الناس يارب
الحمدلله يارب انك رزقتنا على نيتنا مش أفعالنا
الحمدلله يارب ان الدنيا مش بتقف و بنقدر نكمل