Sunday 15 May 2016

ختامها مسك ❣

"قضينا خمس سنين و خلاص دلوقتي هنتخرج ....
لا سكاشن و لا معيدين و لا قعدة تاني في مدرج 
.....
و لا صحيان بدري و لا رشا و لا فكري 
.....
ع الشغل خلاص هنتحرك " 
١١ مايو ٢٠١٦ 
مدونتي العزيزة ؛ 
توثيقاً لرحلة ١٩ عاماً على وشك الانتهاء ... قررت مشاركتك بهذا الحدث العظيم ❣
لما بدأت الكلية عمري ما تصورت ان النهاية قريبة بهذا الشكل ! 
اتذكر اول يوم لي بالكلية بتفاصيله كلها ، الاصحاب اللي كنت بشوفهم للمرة الأولى ، اول جولة لي بأروقة الكلية و يوم ما اتلخبطت و حضرت سكشن في طب اسنان و لم اكتشف ألا مع نهاية السكشن و هما بياخدوا الغياب و ضحك عارم من كل الطلبة على البلهاء ذات العام الاول بالكلية لاني كنت فعلاً بجلس بدون فهم لأي كلمة.  :-D 
يوم الاربعاء ١١ مايو بالنسبة إلي كان من اكثر الايام اللي استمتعت فيها بالكلية و اول مرة اعيط على مكان هتركه رغم ان الذكرى الجيدة الوحيدة فيه انه كان بيجمعني باصدقائي بغض النظر عن باقي الاشياء اللي  مش بحبها في الكلية 
حكمة صغيرة طلعت بها من الخمس سنين ❣ حبوا بعض و قربوا من الناس اللي حواليكم و كلموهم و عرفوهم قد اية هما مهمين في حياتكم .. فكروهم دوماً  ان هم الطعم الحلو في الدنيا المرة  ... بلاش نشيل من بعض لأن فعلاً العمر قصير و اللي فاضل مش كتير :-$
PS. في نفس اليوم كانت اول مرة اشوف شماريخ على الحقيقة و اول مرة العب بمسدس ماية من بعد سن العشر سنين :-D 
Psتاني :-D هذه المدونة ليس لها قيمة على الاطلاق غير توثيق ايام في حياتي خايفة الدنيا تاخدني في زحامها و تجعلني انساها :'(