Wednesday 31 December 2014

Happy new year

Just as a proof of starting my new yer wz my best friend :D
My blog you are my bestieee :*

Sunday 28 December 2014

عودٌ أحمدٌ

النهاردة قررت ارجع تاني لأحلامي " حلوة القافية دي :D "
قضيت ساعة من وقتي الثمين ابحث عن المنح الدراسية اللي بتقدمها الجامعات الاجنبية في مجالات الصيدلة عموماً و السيوتكس علي وجه الاخص ! اه مالكم مستغربين ليه سيوتكس مالها السيوتكس اكتر مادة ليها علاقة بالدراسات الصيدلية و كمان يا حضرات مش معني ان قسم السيوتكس في كليتنا مربي لنا الرعب ان المادة سيئة !!! ابداً لا تسيئوا الفهم السيوتكس شئ عميق جداً شوهه ذوات الامراض النفسية امثال دكتورة جيهان و دكتورة اميمة و دكتور محمود و دكتور عبسلام و. ..... بص متعدش يا جيمي من الاخر كلهم الصراحة بتتنقلهم العدوي الدور الثاني فالكلية اكتشف اكتشاف تاريخي هو ان بعض الامراض النفسية تنتقل بمجرد التعيين بهذا القسم !@
ما علينا من هذا الهري نسينا لبة الموضوع !
نتكلم جد شوية انا عندي حلم فعلاً اني اعمل الانسولين لزقات بتقيس السكر و تظبطه فالدم ده حلم فعلاً و الموضوع معقد للغاية لكن املي فالله ثم تعبي و مجهودي كبير جداً  ده بالنسبه لي خطة أ  و بالنسبة لخطة ب اني ادرس في مجال تخفيف الاعراض الجانبية لادوية سرطان الدم و ده موضوع معقد اكتر من اكتشاف العلاج نفسه ! نفسي اشوف البنات بشعرهم و مش مصابين بالغثيان و لا قادرين يتحركوا بعد العلاج و الاولاد محتفظين بنشاطهم ! و الله انا لو قدرت اساهم لو حتي بجزء صغنن في ده هكون اسعد انسانة في الكون :)
ادعولي ياللي متعرفونيش :)

Friday 26 December 2014

خيالات السيوتيكال

بكرة اول امتحان .... سيوتيكال ... نبتة اتحاد الدور الرابع و الدور الثاني في كليتي العزيزة ... اتضربوا مع بعض في الخلاط و طلعوا هذا الشئ المكروه !
انا بكرة structures. ... و انا برسمهم بحس اني برسم اشخاص معذبة نتيجة هذا العقل المريض اللي مقتنع ان طالب صيدلة لو حفظ هذه الاشكال الهلامية هيقدر يغير العالم .... هما بيضحكوا علي نفسهم ! دماغي بقت سلطة بلدي فاضل سبع ساعات علي الامتحان فقدت قدرتي علي التركيز انا الان في واحدة من اللحظات اللي بيصبح فيها النوم انبل و اجمل شئ فالكون !كل اللي في دماغي دلوقتي مشهد احمد حلمي في فيلم اكس لارج في العزا و هو بيقاوم النوم و بتلقائية شديدة " ربنا ياخدكم كلكم. .. ربنا ياخدكم كلكم "
حسبي الله و نعم الوكيل في الكلية دي

Tuesday 23 December 2014

كلمة حلوة و كلمتين

عايزة شيكولاتة # كلمة حلوة # تشجيع ان اللي جاي احسن # حد جميل يكلمني يطمن عليا كل يوم الصبح # ورقة و قلم و الوان و ارسم و اشخبط زي مانا عايزة # طفلة جميلة بتحب البالية و اوصلها لدروسه # حد بيحب يسمع موزارت و بيتهوفن و النقشبندي في نفس ذات الوقت # نتفرج علي افلام كارتون و ناكل فشار و بالليل نختمها بفيلم فرنسي من التسعينات # نشرب شاي بلبن الصبح في البكونة و الهوا الساقع بيضرب في وشنا و يخلينا نبتسم من غير مانقصد # عايزة حد يفهمني …حد واحد بس يا رب يحسسني ان لسه في امل في الدنيا المعفنة دي و يخليني اقدر اكمل :)

Friday 19 December 2014

هلاوس تالتة صيدلة

طبيعي كل اللي بيحصل دلوقتي طبيعي .…دي مش اكبر مشكلة همر بيها في حياتي … دي مجرد سنة و هتعدي ترم و هيعدي حاجة وقتية كابوس و هصحي منه كمان كام يوم … كمان كام شهر !!!
في ناس قبلي عدوا بنفس اللي انا فيه و نجحوا انا مش اقل من اي حد فيهم … انا محتاجة طاقة ايجابية انا بكره الشخصيات السلبية مش عايزة اكلم حد الاقيه بيعيط عشان مش عارف يذاكر مش عايزة اسمع كلام من امثال "مفيش فايدة" و "كلنا هنسقط يا بيبي " و بلاش بيبي دي بتنرفزنيلما واحدة تنهي بيها كل كلامها  !!
عايزة لون ازرق عايزة اقلام ماركر ملونة فوسفوري! عايزة امل و ثقة بالله ان مش احنا الشخصيات القوية اللي بتفوت فالحديد احنا ماشيين فالدنيا بكرمه و الله العظيم و من غيره ملكناش حتي عافرنا و نزلنا من بطون امهاتنا من اول يوم شقى و رحمته بس اللي مخليانا عارفين نكمل لقدام :) بس كده ادعولي ياللي متعرفونيش :)

Tuesday 16 December 2014

اخر يوم عملي - ثالثة صيدلة

انهاردة تم بحمد الله الانتهاء من عملي الترم الاول
و كان ختام محسوم بالسيوتكس :D & if u know me from the last posts ; ceutix is a big deal
ما علينا من الرغي ده المهم اني دخلت انهارده مع اصحابي فيلم interseller ! ايه العبقرية و الجمال ده انا كنت حاسة اني عايشة جوه الفيلم كل التفاصيل الدقيقة بتخليك تدخل عالم تاني ! الفيلم من احسن الافلام اللي اتفرجت عليها في حياتي !
و جدير بالذكر ان همسة صديقتي توقعت جزء هام من الاحداث و ده في حد ذاته عبقرية تحسب لها :D
اليوم في مجمله كان مليئ بدرجات عالية من الانشكاح و الخروج من موود كآبة الامتحانات و الكلية !
و لكن هيهات يا ولدي ان تدوم تلك السعادة و انت طالب صيدلة ; فمجرد ماروحت البيت و اخدت قيلولة ست سبع ساعات استيقظت علي تلال الورق بتاع النظري اللي منتظرة الوحش الجبار اللي هيخلصها في ست ايام :D
و هنا يستحضرني مشهد من فيلم غبي منه فيه لما طلب منه يجهز شقة و عفش في 30 يوم :D
لنا الله

Sunday 14 December 2014

في مكان ما

Somewhere beyond the sea
Somewhere waitin for me :)
اكيد في شخص ما في هذا الفضاء السرمدي انا فتاة احلامه
بيحلم بكل التفاصيل الصغيرة اللي نفسه نتشاركها سوياً و عارف ازاي يقدر يوصل لعقلي و قلبي و يخليني اسعد انسانة في الدنيا
في ناس بتعيش علي امل انها تقابل الشخص اللي هيغيرها حياتها و بيموتوا قبل ما يلاقوه
انا بحبك جداً اصلاًُ فكرة اني ممكن اكون شاغلة حيز من تفكيرك العميق بيخليني سعيدة بس ايه الرابط اللي ممكن اوصل لحضرتك بيه :)
اللهم ارشدنا الي الصواب و ابعدنا عن الضلال و المعاصي :)

Saturday 13 December 2014

ناس تشبهلنا

من و انا صغيرة كنت بكره اني اكون "عادية"
كنت بكره اكون نسخة مكررة من ناس كتيرة قررت تعيش حياتها ب"عادي... كله عادي" ; حطيت في دماغي ان الكلمة دي مرض و كنت كمازلت بادعي ربنا كل يوم " اللهم ابعد عنا حياة العاديين البائسين "
ارجوك لو كنت من الخمسة ستة اللي بيقرأوا الكلام ده _انا عارفة ان العدد ممكن يكون اقل _ ادعي الدعاء ده كل يوم و حاول تكون مختلف علي اد ما ربنا يقدرك ايها المجهول المحبوب :)

Wednesday 10 December 2014

نور حياتي

نورهان اختي العزيزة ;
   انتي اجمل حاجة في الدنيا المعفنة دي اللي دايما بتضلم فجأة عشان تديكي فرصة يظهر نورك اللي منورلي حياتي.
مش بطمن غير لما اعرف انك موجودة جنبي ; بالرغم من انك عصبية و انا اكتر شخص انتي بتتعصبي عليه لكن انا مستعدة استحملك حياتي كلها !
عمري ما هزعل منك ; ممكن يكونوا شوية نرفزة و هيمشوا بعيد اول ما تيجي عليا بضحكتك المسكرة :)
انا عايزة اشوفك احسن واحدة في الدنيا و مستعدة اقدملك اي شئ اقدر عليه.
الحب مش لازم ولد وبنت بس !!!! الحب مفهوم اشمل من كده بكتير ; الحب هو اني اغطيكي بليل و اقلق لامتحانك حتى اكتر منك. ... اسمعلك دروسك و انا عندي امتحان تاني يوم و مش لاحقة اخلص. ... اتنرفز عليكي و اصالحك ببوسة الصبح. .. اجيبلك كيكة لعيد ميلادك فتحسسيني اني جبتلك الدنيا كلها ... تستحملي حكاياتي الغبية طول الليل و تشتغليلي منبه ايام الامتحانات .....الحب هو كل الحاجات الصغيرة دي اللي بتحصل من غير تفكير من غير تكلف من القلب و بس من غير مالعقل يلعب اي دور فيها !
ربنا يحفظك ليا يا اجمل حاجة فالدنيا و يوفقك السنة دي يا رب :)

Sunday 7 December 2014

بلاش سهوكة

السهوكة للاسف في الايام الاخيرة اصبحت سمة رئيسية للبنت المصرية !
يعني ببساطة الكلام بيكون من طرطوفة فمها عشان تبان رقيقة و الضحكة مايعة مع استدارة وشها 45 درجة قال يعني بتداري الجمال عن العيون !
الالعن من كل ده يا سيدي هو ماشيتها ; اه و الله ! تحس انها بتحاول تتقمص دور البجعة الام في بالية بحيرة البجع مع الضغط علي اطراف الاصابع الامامية و الاستدارة نصف الدائرية كل شوية لترمقك بنظرات مليانة ايحائات مسهوكة !
ليه بيحولوا يبينوا ان ده نوع من الانوثة او الجمال و للأسف ليه ناس كتير اقتنعت بكده !
ليه نسيوا ان المرأة اكبر بكتير من ضحكة مايعة او ماشية مهزوزة ! فين الرجل الثابتة في الارض كالوتد و الثقة بالنفس اللي مش منتظرة اطراء او كلمة اعجاب عشان تحس باهميتها !

ليه بقوا هم فجأة القاعدة و اصبحنا احنا الشواذ و الاية اتقلبت !
حتي لو كلهم بقوا كدة انا عارفة اني انا اللي صح و متأكدة من كدة و عمري ما هتسهوك ابداً :)

Friday 5 December 2014

Paris, je t'aime

امبارح حالفني الحظ اني اتفرج علي الفيلم ده ! او خلينا نقول بمعني اخر اني اقع في غرامه !
نال الشرف و اصبح صديقي في سهرتي ليلة امبارح مش بس كدة لكن كمان كان رفيق في احلام تلك الليلة الهادئة :َ)
كل التفاصيل الصغيرة في الفيلم علقت معايا بشكل غريب لكن اكتر قصة أثرت فيا و عجبتني بشكل مذهل هي قصة توماس و فرانسين
الطريقة اللي قالتله بيها الكلام في التليفون مع تعبيرات وجهه في اللحظة دي تستحق بجدارة انها تتوج بنات افكاري لفترة مش قليلة !
انا نفسي اسافر باريس :)

Tuesday 2 December 2014

رحيل هادئ

مدونتي العزيزة ;
دعينا نتفق ان نهاية هذا العام كانت الأكثر بؤساً حتى الآن !
فقد تخبطت الأيام متزاحمة تسرق الأحباب و الأناس الأعزاء منا تاركة لنا كل يوم خبر مؤسف أو ظالم لعقولنا التي لم تستوعب المشيئة الآلهية في رحيلهم عنا بينما يظل هؤلاء المزيفون و المجرمون بيننا ليذكرونا كل يوم بالظلم الذي نعيش فيه و يجعلوا من دموعنا نداءاً لرب السماء ان يقتص لكل من رحل من اجل فكرة تستحق ان نكمل مسيرته لنحققها !يكفي هذا الآن فبالأمس زينب مهدي و اليوم رضوى عاشور !
رحم الله تعالى كل من احيا فكرة في نفوسنا ! رحمكم الله جميعاً .

Saturday 29 November 2014

اكتشافات اليوم2

نورهان اختي يوم عيد.     ميلادها دايماً بتحصل مصايب لكنها رغم ذلك لا تسلبها فرحتها بيوم مولدها
دكتور فكري بتاع السيوتيكال لسانه اسوأ من مرتضي منصور و صوته ابشع من سارينة البوليس و بنطلونه مقطع اكتر من بنطلون جاستين بيبر !!!
ياسمين صاحبتي و هي بتسوق بتنشن انها تلبس في البلعات لزوم المراجيح و الترفيه عن النفس
كلية صيدلة حالياً يمكن اعتبارها جزء من هيئة النقل العام "نقل ال assignments & quizes
الفكرة ان الدكاترة عارفين و بيستعبطوا يلا ماهي منظومة خربانة  جت علي دي يعني !
بابا بيحب الشاي اكتر مني و شايفني صبي قهوة كل ما اكون قدماه يقولي اعملي شاي " بيرفع سقف طموحاتي :D "
اللون البنفسجي ريحته حلوة ;)

Thursday 27 November 2014

شعار المرحلة القادمة

مدونتي العزيزة ,
مررت اليوم بأحداث اقل اهمية من ان تثير قلق عقلي و لكن رغم ذلك و لا اعرف كيف اصبحت اقل المواقف توتراً تدفعني إلي البكاء ! اصبحت عيناي دائماً مستعدتان لإثارة حزن من حولي بتلك الدموع التي لا تغير شئ سوى إضافة لمحة الكأبة على شخصية كانت بطبعها بشوشة و لكن من اليوم و إلى أخر هذا العام الذي شارف علي الانتهاء سنرفع معاً شعار
"من النهاردة دموع لا لا لا من النهاردة هنقول للفرح تعالى تعالى تعالى ! "

Saturday 22 November 2014

المجهول المحبوب

صديقي العزيز قارئ تدويناتي ;
بالطبع انت لا تعلم كم الحب الذي اكنه اليك ! فقد تكون انت الوحيد في هذا الفضاء السرمدي و الدولة الهلامية المهتم بقراءة احداثي اليومية و تخبطاتي النفسية .
بغض النظر عن حقيقة جهلي لكون من انت ! فقد تكون ذلك الشخص الذي اصطدمت به في الاتوبيس ليلة البارحة ; و ربما الفتاة التي اشتري منها ادوات الكلية ; ربما تكون الفتي المنطوي الذي اتخذ من سلالم الكلية موقعاً له ; او الرجل العجوز القابع في بلكونة الدور السادس في العمارة المقابلة !
جمالك يكمن في خفائك ; فهؤلاء الشخاص المجهولون يظلوا ابطالاً لقصصك الخيالية حتي تُكشف هويتهم ; فتتهاوى كل الخيلالت معها !
لا انكر فضولي لمعرفة من انت و لكن الاهم ان تعرف انك مازلت المفضل و الاقرب إلي بقرائتك لتدويناتي :) دمت قارئا

Friday 21 November 2014

انهاردة كلمت خالو سمير حالته النفسية احسن شوية قعد يضحك و يهزر معايا و يقولي قوليلي يابو سمرة السكرة ابو ضحكة منورة و اني حتة من قلبه عشان كبده خلاص صابه المرض و اكله و انه زعلان من نورهان عشان مش بتسأل عليه و لسه بيتفرج علي مسلسل رأفت الهجان واحدة الصبح و تسعة الصبح
لو افتكرت حاجة تاني هكتبها

نقطة ضعف

مدونتي العزيزة ;
       منذ آخر مرة كتبت إليكِ قررت عدم العودة في المرة القادمة بالمزيد من الحزن .... اردت ان اكتب اليك خبر سعيد او ربما احساس مختلف بعيد عن الحزن ! و لكن الأمر خارج عن أرادتي اشكو إلي الله ضعف حيلتي امام من احبهم !
لا اتحمل آلامهم او ان ارى ضعفهم و هذه هي نقطة ضعفي !
يا رب خالي هو احب من لي في عائلتي قد اصابه من المر ما يجعل ايامه القادمة تتقلص امام الامه ; فخفف عنه و بارك له فيما تبقي من عمره.

Monday 17 November 2014

أحجل يا موت بعيد عنا

الحقائق المرة التي تصارحك بها الدنيا ماحية بذلك كل آمالك و كأنك كطفل صغير كان متعلق بها فتركته بكل قسوة يواجه الجانب الآخر " الموت".
الكلمة اصعب من ان تقال لا يتقبلها القلب قبل العقل بسهولة !
الحزن يخيم على بيتنا ننتظر ان ترن الهواتف حاملة خبر وفاة الأخ الحبيب لأمي و الخال و الوالد لنا !
لا أتحمل ان اشاهدها و هي تحضر الملابس السوداء ; نجري الأستعدادات لوفاة شخص لم تغادره الحياة بعد و لكنها بدأت في الابتعاد عنه !
ما اجربه انا من استعدادات سوي الدعاء و لكنني سأكتب .... سأكتب كل ما أتذكره من مواقف جمعتني معه سأحبه رغم الغصة التي سيتركها في قلوبنا عند رحيله ! لا ترحل سريعاً فمازلت اريد المزيد منك :')

Saturday 15 November 2014

يا ربي رفقاً بزينب

يا ربي انا مش قادرة اوقف تفكير في زينب ! انا بقيت شايفاها قدامي في كل خطوة ! صورتها اصبحت هوس في دمماغي اللي مش راضية تبطل تفكير في الاسباب اللي ممكن توصل زينب لده !
طول اليوم بسمع ابتهالات النقشبندي و افكر في زينب و ادعيلها و اعيط عليها او اعيط علي نفسي
زينب هي كل حاجة جميلة قتلتها كلام الناس و عدم تفاهم الاهل
انا مش عارفة امتي ممكن اخرج من الحالة دي انا عمري ما هنساها ابداً هفضل ادعيلها كل يوم هطلب من اي حد مسافر يعملها عمرة !
يمكن ايماني بالله مخليني مطمنة انه اكيد اعلم منا بيها يا رب رفقاً بها و بقلوبنا

Friday 14 November 2014

زينب مهدي

خلينا نقول ان الخبر عرفته انهاردة و فعلاً دخلني في حالة صدمة و كره لكل حاجة وصلت زيبب الجميلة بالأمل اللي كان عندها انها تقتل كل شئ جواها و تندفن معاه !
مقابلتش زينب إلا مرة واحدة في حياتي في اللمة; كانت بتحدثنا فاليوم عن هيباتيا و الدولة الدينية مفهومها و معالمها
في اليوم ده نظرت لزينب اللي كانت لابسة بايدج ابو الفتوح علي صدرها و بيتحرك اثنان من منظمي اللمة نححوها في الفاصل فتبادرهم يسؤال
"كنت كويسة ?"
كان نفسي ساعتها اتحرك ناححيتها و اقول لها انتي كنتي تحفة جدأًً انا نفسي اعرف انتي ازاي مثقفة و رائعة الالقاء و انتي بهّذا السن !
زينب حلم مات صدمة لمجتمع كامل ضحية لكل شخص خذلها
ربنا يرحمك يا زينب انا عمري ما هنساكي في صلاتي و دعائي

Midterms ,junior, 1st term

Yesterday was the last day in my midterms ! It doesn't matter now how it was a horrible week but like everything in this life,  it comes to the end !
It's the way of thinking while being in any likely situation. No thing will last forever there is always an end where cry turns into thanking god "elhamdullah "
:)

Tuesday 11 November 2014

امبارح و انهاردة

مٌُدوَََّنتي العزيزة;
       اصبح ولوجي اليكِ في الفترة الاخيرة امر شبه ضروري !
اتابع معكِ تقلبات الحياة بين اليوم و الامس ; فيوم اضحك و يوم ابكي و اتألم و يوم يصب البكاء علي الهموم افضل طريقة لوضع غطاءً عليها يحجب القلب و العقل عن رؤيتها !
ماذا يدفعني إلي اللجوء إليكِ دون غيرك هو ان الجميع صار عنده من الهموم ما يكفيه فأصبحوا جميعاً عاجزين عنء سماع غيرهم فالعبء اثقل من ان يُزيد عليه او يُزايد !
دُمتي ملاذي و ملجأي الاول و الاخير :َ) احبك فالله :D

Sunday 9 November 2014

اكتشافات اليوم

اميمة بتاعت الفايتو ممكن تكون اسوأ من جيهان بتاعت السيوتكس!
فيه موقع اسمه name list
بيقول ان اسم هبه منتشر جداً و ان معناه young. ! جديدة دي !
سكان الدور السادس في عمارتنا عندهم بنت اسمها هبه زي !
نسبة الناس اللي بتسمي هبه اوشكت علي الانقرا مع انه اسم معبر و الله !
اوسكار مكتبة الكلية بتصور الورقة ب 13 قرش و بناءاً علي ذلك المحاضرة الثالثة انداستريال ب عشرة جنية " في سبيل العلم " !!!!!!
الركنة اتمنعت فالكلية عشان شخص ذو منصب حساس جه يركن ملقاش مكان قام قايل " عليا النعمة مانتوا راكنين هنا يا عيال يا صيادلة و بناءاً علي ذلك نص الدفعة بيتسوح الصبح فالركنة و في الاخر بيركنوا في صلاح سالم و ييجوا مشي او بتاكسي !!!!!!!!
انا مبتعلمش ابداً من اخطائي ! نفس الغباء بيتكرر كل يوم !
محمد مش هيقدر يتبرع بفص من الكبد لخالو سمير لان سنه اقل من 18 سنة ; منتظرين رحمة ربنا
ماما ضعيفة جداً قدام الاخبار المحزنة علي الناس اللي بتحبهم ! ربنا يقدرها علي اللي جاي 

Saturday 8 November 2014

بكرة جيهان

للي ميعرفش مين هي جيهان فليحمد الله على هذا !
جيهان يا اساتذة و بلا فخر هي بعبع صيدلة عين شمس !
ايوووون عارف حرتك لما من اول سنة كلية تكون بتسمع عن تلك الشخصية المعقدة لدرة انك تكون خايف تصطدم بها صدفة في ممرات الكلية الحلزونية !
بصراحة حقك ما لما دكتورة واحدة تسيطر علي قسم الصيدلانيات ليس بنفوذها ! اطلاقاً بل بنشر ثقافتها العدوانية داخل القسم فيتحول الجميع هناك الي جيهان صغنانين !
و يكبروا و يدرسولنا و يقرفوا اهالينا و كأنه العقاب الالهي لدخولي الكلية دي و اصراري عليها .... الصراحة كنت هابله!
المهم ان بكره عندي امتحان بيوسيوتكس اي كيمياء حيوية صيدلانية .... الاسم وحده قفيل و الله !
انا نفسي بس اتعرف علي اي سؤال و اقدر احل اي حاجة انا فاشلة يا رب جدأ فالمادة دي قدرني الحق اخلصها و احل فيها كويس بكرة يا رب :َ)

EMidterms, third year , ASU pharmacy

Tomorrow in shaa Allah will be the first day in my midterm exams !
Oh My God !!!! I'm totally not ready to have exams now,  mentally,  physically & psychologically not prepared!
In the last weeks, I was completely exhausted from my college & family issues !
Just few hours from now & I will be in the phytochemistry midterm.
I can think what I'll facing from now ! I'll stay in the chair looking at the exam sheet and can not remember most of the info I'm studying right now because of my Fish Flash Memory ! OoOoh I heat my memory ! It always traps me in such situations!
Ya Allah help me to get over this week & have a good

Friday 7 November 2014

Good morning saturday !!

Today,  I wake up with hallucinations f phyto !
My sister noourhan started to laugh while she was waking me & recorded a video showing how phyto starts to make me crazy ! Actually not phyto but my college has rinding my mind up !
My exam @ 12:30
Ya rab aftakr ay 7aga ya rab l7asn kollo da5l f ba3doo 5alas :(

Thursday 6 November 2014

The rate limiting step

Do you know what this phrase means ??
If you study chemistry before the answer must be flashing in your  mind !
It's the step in the chemical reaction that determines the rate and the extent of the product .
Just thinking about this meaning in our lives I find out that,we don't only have one RLS ! There is a one for our study, relationships, family,  ..... Etc.
What's important about this is once you determine your goal, you have to find out which factor won't be affected by any ousiders or will be able to get over all the obstacles and still strong enough to go through more and more !
Do you know what now ??! I found that the only rate limiting step for any human is himself, not any other circumstances that we used to hung our faults on them ! The fault is in our way of thinking that mostly has to be changed 

Wednesday 5 November 2014

اليوم الثاني

ya rabby hawnan 3la ommy :'(            enharda mama zart 5allo samir msh hatklm 3n ay 7aga kfay shakl weshaha w l 3yoon lly mstanya ay klma 3ashan t3ayat kfaya e7sasha en a5oha lly 3asht m3ah 50sanaa ... 3omraha kolo 5alas bymoot !!!hya ra7t w shaftto w hwa mstnny en rabnna yakbad ro77o msh 3arf yhawn 3la nafsso walla 3ala lly 7awalih bt7awl t7afz 3la sabrrha odamo msh 3yzzah ysheel l ham wl 7ozn ya rab ommy refkan biha ya rab ya rab eshffy kol mareed w er7amna b ra7m?ttk ya rab ya rab 5allo 7abiby eshfih ya raba 

Tuesday 4 November 2014

هون على قلوبنا يا رب

Today i had known that my uncle will die within 2months due to liver cancer !cancer whaat a mesirable thing seeing your loveliest persons die because of this horrible thing !i can not concentrate on anything nw !why we can not do anything about that !!!  i have just to stay waitin for his death news !!!!crying over & over .... pray for him ... ask allah to make me , my mother & my whole family  strong enough .... to make us able to complete our lives normally after  his death!!  2 months or maybe less my uncle samir will die !!!just thinking about that makes me very sad ... no sadness is the light word for what um feeling um really more than that !!ya rabby e7fzlly l nas lly ba7bha ana msh ha2dar 3ala for2ahom ... i cannot tolerate that any more !!!! I'll miss his words, his talks to me , his wisdom his vists  his calls asking about me , his hugs & mostly his hug that one full of love !!!  I can't even write any more about him !!!my eyes become red of crying & my heart is exhausted of early missing ! ya rab hawn 3la kolobna 5lina nt7mal lly gay w ektab l 5eer mn 3andk ya rab w kolo 7amd w shokr w eftkar l ra7mtk beena ya rab   ya rab :(

Friday 14 February 2014

"ايه هو عيد الحب ؟!"

استهل الأستاذ فتحى صباح يوم الجمعة بهذا السؤال من ابنه الصغير و تعلو وجهه علامة استفهام كبيرة ! "
  "حب ايه و زفت ايه يابنى ، مين قالك الكلام ده و لعب فى دماغك ! "
يرد الصغير : " احمد صاحبى انهاردة لما لقيت ناس كتير فى الشارع لابسة احمر افتكرت فى ماتش للأهلى و انا نسيت لقيته اتريق عليا و قالى ده عيد الحبو مفروض الناس اللى بتحب بعض يجيبوا ورد و دباديب  " , تقاطعه همهمة خارجية من امه صادرة عن شفاهها الملتوية دائماً  :" عيد حب ايه بس يا بنى دانا مشفتش شكل الورد من اخر مرة رجلى اتكسرت فيها و الناس جت تزورنى ... عيد ايه دا يا ناس اللى  و لا فيه كحك و لا لحمة و لا اكلة مشهور بيها تعلمه عن باقى الايام "
يستكمل الاب الحديث مؤكداً على كلامها وسط اندهاش الابن فقليلاً ما يتفق كلاهما على نفس الأمر !
 "–يابنى دى حاجات وحشة كدة ، و كمان لا هو أجازة رسمية و لا بيصرفولنا نص شهر , ده كلام بتاع الناس الفاضية ! "
"- ماليش دعوة ! انا عايز دبدوب تخين احمر و بكرش زي اللي احمد جابه لصاحبته و الا هعملكم اعتصام سلمى قدام المطبخ ... و متقوليش الدباديب بحشوها قطن المستشفيات و بتطلع عفاريت بليل و الورد بيجيب حساسية  , كفاية انك اقنعت ماما بالكلام ده انا مش هتنازل عن حقوقي   !  "
- يقترب الاب هامساً فى اذن الطفل: "استهدى بالله يابنى ومتقومش الدنيا  ... ثم يكمل كلامه بصوت جهورى و نظرات تحذيرية : "اولا مش عايز اسمع الكلام ده تانى احنا عندك اهوه بنحب بعض طول السنة و لا لازم التكلفة , ثانيا الواد احمد ده تقطع معاه خالص ، قوم بينا يلا نتوضى و نصلي الجمعة ! "


Monday 27 January 2014

My comfort zone !

It's not my world anymore
I DON'T feel the team spirit , I'm totally out of my comfort zone ! Even If i had chosen that, I couldn't tolerate this any more
? I DON'T have to put myself in the tight corner & the ask her to do her best ! Why can I do that
CRYING... CRYING .... CRYING , the whip ur tears & lying ,.. Say " everything is OK it's only a matter of time"
No more regretting I won't push myself in this stupid situation next year in shaa Allah 

Saturday 25 January 2014

نبض -Nabd

I have learnt today from #Nabd  :
Do You ever ask yourself why our education is miserable ??!
Why some people think it's only the system faultes !
Maybe we have to think in another way to find the right answer :
Our education system is not the backbone of our knowledge
some people have achieved great inovations because they also work on themselves , search , seeking for knowledge ... Don't only be a tool for the system & waiting for the information from your professor or teacher ... STUDYING is a normal act & doesn't creat Leaders .... KNOWLEDGE is the kye 

عن الحلم الوحيد

تستيقظ من نومها على حلم ارهقها كلياً ! حلم لا يشبهه ذزيه من قبل !
"هى وحدها تعتلى قمة الجبل ...  و ما كادت ان تصل حتى انفصلت روحها عن جسدها ... هجرتها هى الاخرى و تركتها وحيدة غير قادرة على متابعة بضع الخطوات الصغيرة لتلمس الهدف ! "
ما عساها ان تكون تلك الرسالة , امعناه ذاك الحلم انها ستظل تقاتل من اجل الوصول لهدفها حتى بعد ان ييأس الجميع؟!
ام معناه انه سيتخلى عنها اغلى من تملك فيحطمونها و يتركونها وحيدة بائسة هى الاخرى لا تستطيع العودة و لا تقوى على اكمال اهدافها ؟! 
المعنى لم يتضح بعد فهل من مساعدة !

Saturday 4 January 2014

النهاردة عمرى عشرين


انهاردة بدأت مرحلة جديدة فى حياتى
انهاردة و بلا فخر تميت العشرين ، دخلت فى العقد الثالث من عمرى بفضل الله و حمده !
الأحلى انه يكون يوم جمعة و كل عيلتك فالبيت و كل حد اول مايصحى يجيي يقولك كل سنة و انت طيب و تكون طلباتك اوامر حتى لو كانت حاجات غريبة
و مكالمات و رسائل اصحابك ... عيلتك التانية ، الناس اللى بتفكر فاليوم ده و تحضرله قبلها بفترة
الدباديب اللى كنت نسيتها من عشر سنين مثلا و بوكية الورد الأحمر من دعاء، حتى دودو اللى عنده خمس سنين استغنى عن شيكولاتة كيندر فى مقابل اسعادى !!
الحاجات الصغيرة اللى بتحصل فاليوم ده ... و انا بطفى شمعة العشرين بقول يارب وفقنى للخيرو خلينى اكون من عبادك الصالحين و ارشدنى لطريق الصواب :)