أية آخرة اللي بيحصلي ده !
هو ده بيحصلي انا بس و لا ممكن دي تكون قواعد عامة للحياة انا لسة مش عارفاها !
انا على وشك الإيمان بأن أي حاجة بحطها في خانة الامنيات و الاحلام ليصبح تحقيقها شيئ مستحيل و بتدرج بشكل تلقائي في قائمة ( خدها على قد عقلها ) او ( سكتها و قولها إن شاء الله )
انا مش عارفة انا بعمل أية ! تقريباً دي القاعدة الوحيدة في حياتي !
انا عايزة اكون ناجحة .... تشيك ... تم الإدراج في قائمة المستحيلات
انا عايزة اتجوز انسان عاقل هادي يفهمني و يحبني .... تشيك... كل اللي اقابلهم يكونوا شخصيات استغفر الله العظيم يعني !
انا عايزة مرتب كويس اقدر من خلاله ماستلفش من اهلي لاخر الشهر ... تشيك ... كل ما اروح مكان اكون اقل مرتب فيه !
انا عايزة اكون مرحة شوية زي مانا من جوة اعرف اتعامل بشخصيتي الحقيقة و مش اكون خجولة ... تشيك ... جائزة اكتر إنسانة بتتحرج و بتتكسف فالوجود و بتتكشف من أول لحظة
انا عايزة يكون ليا اصحاب كتير و اصدقاء مقربين .... تشيك.... تفكك في الشلة بتاعتها من او تخرجها من الكلية
انا عايزة ... تشيك .... امشي من هنا مش من حقك تطلبي حاجة و اسكتي بقى .. هه اسكتي عشان اي حاجة بتعوزيها يا فندم غير مدرجة بالمنيو بتاع سعادتك و احنا تعبنا و الناس اللي حولينا تعبوا كمان ... اسكتي شوية !!!
#اين_عقلي
Monday 20 March 2017
و اخرتها اية !!
Subscribe to:
Post Comments (Atom)
التصادم مع الواقع
ReplyDeleteللأسف اقدر اقولك وبكل ثقه وعن تجارب شخصية كثيرة
هذه قواعد عامة ابدية للحياة الغير ابديه
فى مجتمع يعطينا معطيات خاطئة للحياة
فلا نستطيع حل معادلتها عند التصادم بها
ولكن يبقى دائما هناك أمل الوصول للامنيات
وإن كان احتماله ضعيف ولكنه موجود بالمثابره
فمعظم المشاهير ماتوا فى احوال يرثى لها
وأعمالهم اليوم لا تقدر بثمن
حاولى ان تستمتعى بحياتك كما هى
وستفاجئى بتحقق امنياتك