مدونتي العزيزة ; النهاردة عيد ميلادي
يوم ميلادي يوم مش عادي يوم ما ماما ندهت علي دادي قالتله انا بولد يا عبدالهادي :D :D
النهاردة يكون بقالي 21 سنة علي الارض المكورة دي
حالياً انا مقضية اولي ساعات هذا اليوم الجليل في مذاكرة الصيدلة الصناعية مع اكل القليل من النوجة بالسوداني و السمسمية توافقاً مع المولد برده مش هنسي يعني
اول مل يصحوا الصبح مش عارفة ممكن يعملولي ايه بس من غير استهبال انا عارفة ان ماما و بابا هيغيرولي الموبايل و يجيبولي اللي كان نفسي فيه
اما ايمي و نور لسه مش عارفة ايه اللي هيبسطوني بيه :D
بابا لما دخل عليا يقولي كل سنة و انتي طيبة قالي جملة غريبة غير متوقعة ! انه مش عايزني اكبر و بيزعل كل ماسنة تيجي و اني فجأة دخلت في العقد الثالث من حياتي ! و برده مش عارفه ليه انا مش مضايقة خالص و حاسة اني بقرب من اللي انا عايزاه !
يالا بقي ! مدونتي العزيزة انتي الاقرب دائماً السنة الجاية هتلاقيني هنا بحكيلك اني مش مصدقة ان العمر عدي بسرعة كدة و تميت اثنين و عشرين !
Friday 2 January 2015
امبارح كان عمري عشرين
Subscribe to:
Post Comments (Atom)
كل سنة وانت طيبة
ReplyDeleteومش مم اية الهدية المهم القلب الي بيقدم الهدية ربنا يخليكم لبعض اسرة جميلة
و انتي طيبة. شكراً جداً :)
Delete