امبارح كانت اخر حصة لينا مع دكتور فكري بعد ثلاث ترمات معاه :'(
دكتور فكري مش كان مجرد حد بياخد منا فلوس الكورس و يشرحلنا كلمتين عشان ننجح و خلاص
لأ ، الراجل دة من الناس اللي اثروا في تركيب شخصيتي فعلاً و متأكدة اني مش هقابل شخصية زيه تاني
علمني ازاي ارتب مخي و أفكاري و اذاكر بفهم مش مجرد تقضية واجب ! ازاي تعمل خريطة عقلية و ترتب مخك ادراج و يكون وقت الجد جد فعلاً مش استهتار
دكتور فكري نادراً ماكان بيهزر او يضحك معانا ساعات كتير كنا بنتضايق من ده في الأول و بنكره لكن مجرد ما عقولنا نضجت و عرفنا انه قد ايه بيخاف على مستقبلنا و في عز ماكنا مزنوقين في المذاكرة و متضايقين منه في سنة تالتة ، كان هو مطبق يومين عشان يدينا كل معلومة تفيدنا و وقف يشرحلنا حصة ١٢ ساعة احنا تعبنا و هو لأ رغم انه واقف يشرح و مطلوب منه يسيطر على عدد بملئ المكان
سنتر الجولف و سينما برج التطبقين و مسرح الفن ... الأماكن اللي قضيت فيها معظم وقتي السنتين دول و كنت متضايقة اني بصحى و انزل و اتعب دلوقتي هفتقدها جداً و هفتقد قد اية كانت بتجمعنا و تضمنا في اصعب الأوقات
#بداية_النهاية
نادر أن تجدى من يراعى ضميره فيما يفعل
ReplyDeleteومن كلامك فهو شخصية محبوبة
وقد يكون مثل يحتذى به لكثيرين من بعد ذلك
ربنا يوفقك وتخلصى الدراسه على خير
يا رب امين :)
Deleteشكراً جداً على مرورك الكريم