انا اول مابصحى من النوم مش بكون شايفة قدامي حرفياً من اول فردتين الشبشب اللي بيتلبسوا عكس بعض لحد.... بس مش زعلانة اوي عموماً دي مش اول مرة اغسل سناني بمعجون الحلاقة بتاع بابا :-D
الامتحانات عاملة عاميلها و كملت بأني جالي برد شديد ، بصحى من الفجر عشان الحق اليوم من اوله على مارتب الورق بيكون الظهر أذن ! كل ما بص على الساعة بيكون نفسي العقرب يقف يستناني ... امنيات مستحيلة !
مفتقدة الوقفة في البلكونة بسبب الجو البارد بحاول اعوض الموضوع بالشاي بلبن من ورا شباك المطبخ !
العصافير اللي بتصحى من قبلنا و تسعىىفي البرد ده عمرها ما اشتكت او استسلمت ! النعم اللي موجودة كل يوم صبح مش تتعد فعلاً ، قريب جداً بأذن الله كل ده هيتغير اسبوع واحد بس و اخلص امتحانات الترم و أفوق كدة و انفذ كل خططي !
صحابي مسافرين الاقصر و اسوان في اجازة نصف العام لكن والدي رفض سفر و بيات برة البيت و انا وافقته بنية ارضاء الوالدين و عارفة ان ربنا هيعوضني خير قريب :)
ده معناه اجازة لوحدي ، تجربة مختلفة و هتكون حلوة انا عارفة
كفاية رغي ورايا بكة امتحان سيوتكال لاخر مرة في حياتي ، هكمل مذاكرة :-)
Friday 22 January 2016
روتيني الصباحي
Subscribe to:
Post Comments (Atom)
ههههههههههههههههه
ReplyDeleteربنا يوفقك يا رب
يا ترى طعم معجون الحلاقه فى الفم بيكون جميل ولا لا :)
اما عن اجازة نصف السنة فإن شاء الله هتكون جميلة وأكيد بابا صح فى كلامه وانا متاكد إنك مش مقتنعه بده
ربنا يوفقك يا رب وتحققى أمنياتك كلها
مودتى وإحترامى
شكراً جداً لحضرتك :)
Deleteعايز أطلع فى رحلة أسوان دي هههه
ReplyDeleteهما سافروا و رجعوا خلاص للاسف :D
Deleteعايز أطلع فى رحلة أسوان دي هههه
ReplyDelete