مقتنعة مليون فالمية أن كل البنات جميلة جدًا
و ان لكل حد منا جماله... و ان الأذواق بتختلف لكن مش بتحكم على حد انه مش حلو
الحمدلله انه خلقنا بنعرف نشوف و نميز كل جميل فاللي حوالينا و نثق ان اللي خلقنا احسن تصويرنا و نكتسب ثقة في نفسنا لا يعتليها ذرة كِبَر أو غرور
بحب كل المراحل اللي مريت بها في حياتي
بحب شكلي بمكياج و من غيره
بحب ضحكتي اللي على فجأة و صوري اللي نورهان بتصورهالي
🎁 ... والدتي بتقولي أني اسم على مسمى... ربنا بعتني ليهم هدية في وقت كانت الدنيا بتقفل في وشهم... بتقولي أن ضحكتي فتحت الأبواب المقولة! و إن ربنا بيدخلني حياة الناس اللي حواليا عشان اسيب دايمًا بصمة حلوة... هدية من ربنا ليهم... يارب يا أمي اكون كدة فعلًا
والدي الله يرحمه كان بيقولي أن عندي أحلى خدود فالدنيا و ان وشي المدور بيفكره بالبنات الهنود و ان الشمس باستني و انا صغيرة و ادتني احلى لون بشرة فالعالم! ❤️
No comments:
Post a Comment